10年工夫製陶瓷
復康師傅仔　巧手搓出C朗

2018年7月8日

【2018世界盃】
【本報訊】世界盃進入四強階段，大家最難忘的，是巴西的尼馬碌地表演？還是葡萄牙的基斯坦奴朗拿度（C朗）大演帽子戲法？來自聖雅各福群會藝想的「師傅仔」蕭宇恆就鍾情C朗，做觀眾之餘，他更運用一雙巧手，搓出一個栩栩如生的C朗陶瓷公仔！眾多球星，為何偏偏選中C朗？蕭師傅簡單直接：「佢都幾靚仔呀！」
記者：陳芷昕

復康人士蕭宇恆（左）由庇護工場學員變成師傅仔，於聖雅各福群會藝想開班授課。

訪問當日是蕭宇恆製作C朗陶瓷的第三日。陶瓷已成形，只見C朗眉毛緊皺，雙目圓瞪，右腳屈曲蓄勢待發，隨時猛力踢出腳下足球。與渾身是勁的C朗不同，氣定神閒的蕭宇恆拿着竹籤和手術刀，小心翼翼地設計C朗的髮型，「C朗好難整㗎，隻手同隻腳都曲㗎。」一旦開始聊天，他就停不了話，「佢臉上有眼眉、眼睛、牙齒、耳朵……佢有頭髮……波鞋有鞋釘……有手指公……波衫係紅色㗎。」

蕭宇恆所製的陶瓷C朗公仔。

作品曾於台日韓展出
35歲的蕭宇恆兒時確診患上自閉症，初中畢業後在庇護工場工作，於2009年開始透過體驗班接觸陶瓷，一試鍾情。陶瓷創作並不輕鬆，當中包含資料蒐集、作品構思、泥塑成形、素燒、上釉、釉燒、出窯等繁複程序。但10年下來，他練成一手好功夫，作品曾在台灣、日本和韓國展出。
蕭喜歡創作人物陶瓷，律師、醫生、護士、清道夫等都是他的題材。「醫生係白色，件褸好長㗎」；「我整過法官，佢有個『揼揼聲』！」熱愛足球的他，還是最愛創作關於足球的作品。2014年世盃時，他搓了三個有獨特花紋的限量版足球和一個身穿三號球衣的球員。
蕭現是聖雅各福群會藝想的「師傅仔」，與其他復康人士一同開班授課。一眾「師傅仔」表現讓藝想項目主任鄧嘉寶驚喜：「預計唔到會由庇護工場學員變成師傅仔，但放手畀佢哋做後，見到佢哋有好多強項。佢哋教班唔係就咁講書，係會同參加嘅朋友有互動，好多公眾人士都俾佢地嘅認真努力感染。」
一眾師傅仔的作品將於本月飛出香港，在日本舉行的「越後妻有大地藝術祭」中展出。藝想工作室亦將於9月開放予公眾人士參觀和與師傅仔一同創作。