< 返回傳媒報道灣仔尋寶「陶」2019年12月6日陽光校園< 返回傳媒報道最新報導

< 返回傳媒報道【公益活動】聖雅各伙藝術家 陶藝電車齊參加2019年10月23日巴士台 HK BUS CHANNEL /  按此進入網站話說收到香港電車嘅線人通風報訊，#30電車近來會有特別任務，咁當然要去伏擊睇吓發生乜事啦！黃昏時份去到上環西港城電車總站…咦？做乜#30電車唔埋正站㗎？衝埋去八卦吓先！為配合活動，#30電車身披特別車身色彩。《我們的故事》？即係乜事呀？正當搲晒頭嘅時候，電車上嘅聖雅各福群會同工就嚟介紹返今次究竟發生緊乜事…原來《我們的故事 陶塑記憶》係一個為期兩年嘅藝術項目活動，由聖雅各福群會藝想主辦、並受香港特別行政區政府「藝能發展資助計劃」資助，當中重頭社區藝術節目就要用到#30電車，叫做「我們的叮叮遊記」，啱啱喺10月18號揭開序幕。上：一眾嘉賓在陶藝主題電車前大合照。 出席嘉賓包括民政事務局藝術發展諮詢委員會主席周永成先生(置中)、 聖雅各福群會副總幹事張達昌先生(右二)、建築師謝錦榮先生(右三)、 師傅仔蕭宇恆先生(左三)、民政事務局藝術發展計劃總經理黃麗珊女士(左二)、)聖雅各福群會高級經理張文穎女士(左一)和聖雅各福群會藝術發展經理鄧嘉寶女士(右一)下：創作夥伴――建築師謝錦榮(Kenneth)(左)與師傅仔蕭宇恆的陶瓷電車作品。（聖雅各福群會提供）今次係一個以陶瓷為創作媒介嘅社區藝術項目，得到著名陶藝家羅士廉先生策展，並且邀請咗15位嚟自唔同專業範疇嘅人士，聯同15位藝想嘅師傅仔（復康人士）一齊創作。至於「我們的叮叮遊記」就係香港首次以陶藝做電車主題，公眾可以上呢架獨一無二、充滿藝術色彩嘅#30電車，近距離欣賞一眾師傅仔嘅作品，一齊體驗創作陶瓷嘅樂趣，同埋可以靠藝術拉近人同人嘅關係。部份師傅仔嘅陶藝作品會喺#30電車上層展出。陶藝主題電車設置咗一個高1.5米嘅陶泥電車司機，由佢帶領電車上另外兩位巨型薯蛋人乘客，仲有大約100件陶瓷創作品，主題分別為《花鳥蟲魚的願望》、《遇見工作中的你》同埋《給親人的一封信》。當中仲有靠手搖發電機操作的燈光陶藝互動作品「攻呀攻快搶攻」、紗線喺陶瓷上穿梭的「泥板與綉花」同埋做瑜伽嘅陶瓷泥公仔「陶瑜樂」等；同時，陶藝電車上會有師傅仔帶領社區人士試吓搓陶泥，體驗製作陶瓷嘅樂趣。陶泥司機、陶泥乘客、陶器電車…（◎_◎）「我們的叮叮遊記」由即日起去到 10月29日(星期二)舉行，由朝早10:45到下晝17:40，分為多節，每節活動約1小時。陶藝主題電車將會喺銅鑼灣總站同上環（西港城）總站之間遊走，參加者一方面可以喺陶藝主題電車上欣賞陶藝作品之外，仲可以親身體驗製作陶藝。 參加費用全免，但記得要預先去《我們的故事 陶塑記憶》網上連結登記：http//bit.ly/2koAqZG。座位有限，先到先得，額滿即止。 為咗宣傳《我們的故事 陶塑記憶》，作為支持機構嘅香港電車有限公司除咗提供#30電車舉行「我們的叮叮遊記」之外，佢哋仲將位於灣仔莊士敦道嘅#45E菲林明道電車站拎作宣傳之用，叫做「我們在叮叮站」，行過嘅可以去了解吓參與今次活動嘅藝術家同小店㗎！用作宣傳今次活動嘅菲林明道電車站。其實今次活動仲有其他作品分佈喺灣仔區入面另外10幾個地點，聖雅各福群會藝想有個叫「我們的藏寶陶」嘅活動，畀大家可以去各個展覽地點儲印仔，11月15號之前集齊18個印仔，就可以去到灣仔石水渠街85號聖雅各福群會地下嘅藝想展覽館登記，參加免費陶藝體驗活動㗎！至於如果覺得想簡單啲就咁欣賞吓一班師傅仔嘅作品，其中15對參展夥伴嘅陶藝作品就放咗喺灣仔大有廣場大堂，行入去就睇到㗎喇！有15組藝術創作者嘅作品放咗喺大有廣場大堂畀大家參觀。< 返回傳媒報道最新報導

< 返回傳媒報道坐電車學陶藝 體驗城市文化遊2019年10月18日晴報  /  按此進入網站「搭叮叮」係香港特色，當加埋藝術，相信更吸引文青打卡同影相。最近聖雅各福群會康復服務陶藝工作室「藝想」，就獲政府「藝能發展資助計劃」資助，進行為期兩年嘅藝術項目《我們的故事—陶塑記憶》。 呢個項目係由著名陶藝家羅士廉策展，邀請咗15位來自不同專業範疇人士，聯同15位藝想嘅復康人士，一齊創作陶瓷作品。現推出「我們的叮叮遊記」，陶藝主題電車設置一個1.5米嘅陶瓷電車司機，車上有兩位巨型薯蛋人乘客同約100件陶瓷創作品。 公關姊妹話，作品包括來自負責復修藍屋建築師謝錦榮，分別喺利東街、梳士巴利道同油塘港鐵站展示大型陶瓷雕塑嘅陶藝家李慧嫻等。市民坐上呢架獨一無二嘅陶藝主題電車，一方面欣賞藝術創作者嘅陶瓷作品，同時可以喺師傅仔帶領下體驗製作陶瓷嘅樂趣。由今日（18日）至今個月29日，有得玩，有得睇，仲有故事聽，費用全免，市民可預先上網登記報名。 撰文: 黛安 消息特靈八卦公關 欄名: 八卦名利場< 返回傳媒報道最新報導

< 返回傳媒報道菲林明叮叮站頂首設陶藝展2019年10月13日星島日報  /  按此進入網站1/1 ■灣仔區電車站頂首設陶藝展，拼湊城市輪廓。（星島日報報道）菲林明道電車站頂自上月底設首個公眾參與的大型手作藝術品，作品一點四米高乘六點六米長，由三百位公眾人士製成逾三千塊陶瓷片併合城市輪廓。聖雅各福群會的陶藝工作室「藝想」得政府「藝能發展資助計畫」支持，推出「我們的藏寶陶」及「我們在叮叮站」活動。前者由十五位社會不同代表如大學講師等，與「藝想」的復康人士一起製作陶瓷，並擺放在灣仔區內十五間店鋪或場所，包括智障和自閉症譜系障礙人士設計的薯蛋人雕塑。項目展示復康人士都有其專長，希望觀眾可認識和欣賞復康人士，拉近人與人之間的距離。 「藝想」與香港電車合作，在電車站上設有首個公眾參與的大型手作藝術展。當中由三百位市民，手製超過三千塊色彩繽紛的陶瓷片，並併合成不同建築雕塑，組成一條天際線；另外更有兩隻由復康人士設計的薯蛋人雕塑。 香港電車市場商務及品牌總監張永恆表示，支持本地藝術創作，有關項目可展示復康人士的手作專長。他說，以往電車站上蓋主要展示廣告牌，今次為了擺放藝術品，首次在電車站頂設有首個公眾參與的大型手作藝術品，製作時間及難度不少，而且需要合乎法例等安全要求，所以薯蛋人雕塑改以玻璃纖維仿製成陶瓷，符合防火要求。負責人聖雅各福群會藝術發展經理鄧嘉寶表示，希望觀眾從作品得到啟發，透過展覽欣賞復康人士，同時拉近人與人之間、人與環境和社會的距離。 瑜伽導師Leona與自閉症患者黃震邦（邦邦）一同創作陶瓷，先後製作出「給親人的一封信」，以及薯蛋人做瑜伽的《陶瑜樂》系列作品。她表示，未認識復康人士前，覺得復康人士需要不同程度的照顧，經過一段時間的相處，她發現他們亦可照顧自己。「復康人士能發揮自己的天賦，不是社會的負擔。」即使邦邦沉默寡言，首次製作陶瓷的Leona指邦邦很細心，「他會主動遞工具給我，幫助我。」她希望市民可透過作品，更多了解復康人士的內心世界。< 返回傳媒報道最新報導